ស្ទូឌីយ៉ូភាពយន្ត បណ្ដាញទូរទស្សន៍ អ្នកនិទានរឿង អ្នកចេញផ្សាយហ្គេម និងក្រុមកីឡាងាកមករក Tenor ដើម្បីភ្ជាប់ទំនាក់ទំនងជាមួយអ្នកប្រើប្រាស់តាមរយៈឧបករណ៍ចល័ត ដែលបង្កើនការមើល និងការចែករំលែក GIF ដែលជំរុញឱ្យ៖
សម្រាប់ភាពយន្ត Justice League ដែលចេញផ្សាយក្នុងពេលឆាប់ៗ Warner Brothers បានងាកមករក Tenor ដើម្បីរួមបញ្ចូល GIF ពីឈុតខ្លីដែលទស្សនិកជនទន្ទឹងរង់ចាំខ្លាំង។ ក្រោយពេលចេញផ្សាយឈុតខ្លីមិនដល់ 5 ថ្ងៃផង Tenor បានទទួលការទស្សនា 90 លានដង និងការចែករំលែកខ្លឹមសារ GIF Justice League ផ្ទាល់រាប់សែន ដែលជំរុញឱ្យមានកំណើនក្នុងការបន្តទាក់ទាញទស្សនិកជន ចំពេលដែលសមស្របបំផុត។
បញ្ហាប្រឈមនៃការទស្សនា Netflix គឺមានភាពខុសគ្នាពីទូរទស្សន៍ធម្មតា។ GIF សម្រាប់កម្មវិធីរបស់ Netflix មានទំនោរពេញនិយមនៅក្នុងសប្ដាហ៍ដែលជិតចេញផ្សាយ ដូច្នេះ Netflix បានសហការជាមួយ Tenor ក្នុងការជំរុញសន្ទុះនៅលើបណ្ដាញសង្គមដោយប្រើ GIF ដើម្បីបង្កើតការទស្សនាដែលមានស្ថិរភាពសម្រាប់កម្មវិធីរបស់ខ្លួន Narcos, Narcos, Master of None, The Crown និងភាពយន្តពិសេស Will Smith ដែលចេញផ្សាយក្នុងពេលឆាប់ៗ, Bright។
Showtime បានរកឃើញ Tenor Insights ដ៏មានតម្លៃសម្រាប់កម្មវិធីថ្មីរបស់ខ្លួន Billions ហើយក៏បានសហការប្រកបដោយជោគជ័យកាលពីពេលថ្មីៗនេះជាមួយ Tenor ក្នុងការបំផុសខ្លឹមសារ Dexter ជាថ្មីសម្រាប់ខួបគម្រប់ 10 ឆ្នាំនៃរឿងភាគនេះផងដែរ។ បន្ថែមពីលើការបង្ហាញខ្លឹមសារចាក់ផ្សាយដែលកំពុងពេញនិយម ការផ្ដោតលើខ្លឹមសារចាស់ៗ និងការរួមបញ្ចូលយុទ្ធសាស្ត្រ GIF ដែលបំផុសឱ្យមានចំណាប់អារម្មណ៍ជាថ្មីពីទស្សនិកជនគឺជាចំណុចខ្លាំងរបស់ក្រុមការងារ Tenor Partner Success។
Tenor គឺជាប្រព័ន្ធចែករំលែក GIF តាមរយៈឧបករណ៍ចល័តដ៏ធំបំផុត និងកំពុងលូតលាស់លឿនបំផុត ដោយមានអ្នកប្រើប្រាស់សកម្មប្រចាំខែជាង 200 លាននាក់ និងដំណើរការសំណើស្វែងរកប្រចាំថ្ងៃជាង 200 លានដង។ កម្មវិធីក្ដារចុច GIF របស់យើងគឺជាកម្មវិធីដែលត្រូវបានទាញយកច្រើនបំផុតនៅក្នុងប្រភេទរបស់វាទាំងនៅលើ iOS និង Android។ ហើយយើងផ្ដល់ការចែករំលែក GIF សម្រាប់ដៃគូនានាដូចជា Apple iMessage, Facebook Messenger, WhatsApp, Google Gboard, Kik, LinkedIn, Touchpal និងដៃគូផ្សេងទៀត។
ក្រាហ្វអារម្មណ៍ Tenor បញ្ចូលពាក្យស្វែងរកខុសៗគ្នាជាង 4 ពាន់លានពាក្យទៅក្នុង GIF ដែលត្រូវនឹងពាក្យទាំងនោះបំផុត។ ក្នុងនាមជាដៃគូបង្កើតខ្លឹមសារ Tenor យើងនឹងរួមបញ្ចូល GIF របស់អ្នកទៅក្នុងម៉ាស៊ីនផ្គូផ្គងដ៏មានអានុភាពនេះ និងបង្ហាញខ្លឹមសាររបស់អ្នកនៅក្នុងលទ្ធផលស្វែងរកដែលពាក់ព័ន្ធ ដែលធ្វើឱ្យមានភាពងាយស្រួលសម្រាប់អ្នកប្រើប្រាស់ក្នុងការស្វែងរក ចែករំលែក និងរីករាយប្រើប្រាស់វា។
ក្នុងនាមជាដៃគូ Tenor អ្នកនឹងទទួលបានអត្ថប្រយោជន៍ពី៖
ក្រុមការងារ Tenor Partner Success នឹងសហការយ៉ាងជិតស្និទ្ធជាមួយអ្នក ដើម្បីបង្កើត និងសម្រាំងខ្លឹមសារ GIF ដែលសមស្របបំផុតសម្រាប់ការជំរុញការបន្តទាក់ទាញអ្នកប្រើប្រាស់នៅក្នុងការផ្ញើសារតាមរយៈឧបករណ៍ចល័ត។ យើងនឹងបញ្ចូលខ្លឹមសាររបស់អ្នកទៅក្នុងប្រព័ន្ធរបស់យើង និងបង្កើនប្រសិទ្ធភាពខ្លឹមសារនោះសម្រាប់ការបញ្ជូនតាមរយៈឧបករណ៍ចល័ត។ ក្រាហ្វអារម្មណ៍ Tenor នឹងបញ្ចូលខ្លឹមសាររបស់អ្នកទៅក្នុងពាក្យស្វែងរកពាក់ព័ន្ធ ហើយបង្ហាញខ្លឹមសារនោះ នៅពេលអ្នកប្រើប្រាស់ជាង 200 លាននាក់របស់យើងកំពុងស្វែងរក GIF ដែលត្រឹមត្រូវ ដើម្បីបង្ហាញគំនិត និងអារម្មណ៍របស់ពួកគេជាមួយគ្រួសារ និងមិត្តភ័ក្តិ។
ជំហានទីមួយ៖ តោះចាប់ផ្ដើមនិយាយ! ទាក់ទងមកយើង ឥឡូវនេះ ដើម្បីចាប់ផ្ដើមជំរុញអ្នកគាំទ្រដោយប្រើការចែករំលែក GIF តាមរយៈឧបករណ៍ចល័ត។