Film-estudioek, telebista-kanalek, istorio-kontalariek, jokoen argitaratzaileek eta kirol-ligek Tenor-ekin elkarlanean jarduten dute mugikorra darabilten kontsumitzaileekin konektatzeko eta GIFak ahalik eta gehien partekatzen eta ikusten direla ziurtatzeko. Horrela, honako hauek sustatzen dituzte:
Datorren Justice League filmerako, Warner Brothers-ek laguntza eskatu zion Tenor-i, ikusmin handia sortu zuen trailerreko GIFak aipagarrien artean erakusteko. Trailerra kaleratu eta 5 egun baino gutxiago igaro ondoren, Justice League filmaren GIFak 90 milioi aldiz baino gehiago ikustea eta ehunka milaka aldiz zuzenean partekatzea lortu zuen Tenor-ek; horrela, interakzioak nabarmen areagotu ziren une garrantzitsuenean.
Ikus-entzuleak Netflix-era erakartzeko erronka oso desberdina da telebista-programazio linealarekin alderatuta. Netflix-eko saioekin lotutako GIFak pil-pilean egon ohi dira estreinaldiaren aurreko asteetan; horregatik, Netflix-ek eta Tenor-ek elkarlanean jardun dute olatu sozialari etekina ateratzeko GIFak erabilita. Horri esker, interes-maila altua mantendu da Narcos, Narcos, Master of None eta The Crown saioetan, baita Will Smith-en Bright izeneko film berrian ere.
Tenor-i esker, Showtime-k estatistika baliagarriak lortu ditu Billions izeneko saio berriaren inguruan. Halaber, Tenor-ekin elkarlanean jardun du Dexter-en edukia berriro kaleratzen, telesailaren 10. urteurrena dela eta. Egun ematen den eta pil-pilean dagoen edukia erakusteaz gain, eduki zaharra berreskuratzea eta kontsumitzaileen zirrara berpizteko GIF bidezko estrategia bat prestatzea da Tenor Partner Success-en taldearen indarguneetako bat.
Tenor mugikorretan GIFak partekatzeko plataforma handiena eta bizkorren hazten dena da; izan ere, 200 milioi erabiltzaile aktibori ematen die zerbitzua hilero, eta 200 milioi bilaketa baino gehiago prozesatzen ditu egunero. Gure GIF Keyboard aplikazioa da deskarga gehien dituena dagokion kategorian, iOS-en nahiz Android-en. Eta, besteak beste, bazkide hauei eskaintzen diegu GIFak partekatzeko aukera: Apple iMessage, Facebook Messenger, WhatsApp, Google Gboard, Kik, LinkedIn eta Touchpal.
Tenor-en emozioen grafikoa erabilita, 4.000 milioi bilaketa-hitz desberdin esleitzen zaizkie GIF adierazkorrenei. Tenor-en eduki-bazkide gisa, bat-etortzeak bilatzeko tresna ahaltsu honetan integratuko ditugu zure GIFak, dagozkien bilaketa-emaitzetan azal daitezen. Horrela, erraza izango da kontsumitzaileek zure GIFak aurkitu, partekatu eta erabiltzea.
Tenor-en bazkide gisa, abantaila hauek izango dituzu:
Tenor Partner Success-en taldeak zurekin batera egingo du lan mugikorretarako mezularitzan kontsumitzaileen interakzioak areagotzearren GIF egokiak sortzeko eta hautatzeko prozesuan. Zure edukia gure sisteman integratuko dugu, eta mugikorretan partekatzeko optimizatuko. Tenor-en emozioen grafikoa erabilita, bilaketa-hitz egokiak esleituko zaizkio zure edukiari, eta bilaketa-emaitzetan erakutsiko dugu gure 200 milioi erabiltzaileak senide eta lagunei beren iritzi eta sentimenduak adierazteko GIF egokiena bilatzen ari direnean.
Lehen urratsa: hitz egin dezagun! Jarri gurekin harremanetan mugikorretan GIFak partekatzeko aukerarekin zale gehiago lortzen hasteko.