கடைசியாகப் புதுப்பிக்கப்பட்டது: மார்ச் 3, 2021

Tenor என்பது Tenor மொபைல் ஆப்ஸ், http://tenor.com என்ற முகவரியில் உள்ள Tenor இணையதளம், Tenor நீட்டிப்புகள், Tenor API ஆகியவற்றை உள்ளடக்கியதாகும். மூன்றாம் தரப்புச் சாதனங்களுடனோ சேவைகளுடனோ Tenor API ஒருங்கிணைக்கப்படலாம். ஆனால் Tenor தொடர்பான சேவைகள் அனைத்தையும் Google வழங்கும்.

Tenorரைப் பயன்படுத்த, நீங்கள் இவற்றை ஏற்க வேண்டும்: (1) Google சேவை விதிமுறைகள், (2) Tenor தொடர்பான இந்தக் கூடுதல் சேவை விதிமுறைகள் ("Tenor கூடுதல் விதிமுறைகள்").

இந்த ஆவணங்கள் ஒவ்வொன்றையும் கவனமாகப் படிக்கவும். இந்த ஆவணங்கள் மொத்தமாக "விதிமுறைகள்" என்று அழைக்கப்படுகின்றன. எங்கள் சேவைகளைப் பயன்படுத்தும்போது எங்களிடம் நீங்கள் என்ன எதிர்பார்க்கலாம் என்பதையும், உங்களிடம் நாங்கள் என்ன எதிர்பார்க்கிறோம் என்பதையும் இவை தெளிவுபடுத்துகின்றன.

Tenor தொடர்பான இந்தக் கூடுதல் விதிமுறைகள், Google சேவை விதிமுறைகளுடன் முரண்பட்டால், இந்தக் கூடுதல் விதிமுறைகள் மட்டுமே Tenor சேவைகளுக்குப் பொருந்தும்.

இந்த விதிமுறைகளின் ஒரு பகுதியாக இல்லாவிட்டாலும் எங்கள் தனியுரிமைக் கொள்கையைப் படிக்குமாறு பரிந்துரைக்கிறோம். இதன் மூலம், எவ்வாறு தகவல்களை மாற்றலாம், நிர்வகிக்கலாம், ஏற்றலாம், நீக்கலாம் என்பது பற்றி இன்னும் நன்றாகப் புரிந்துகொள்ள முடியும்.

1. உங்கள் உள்ளடக்கம்.

உள்ளடக்கத்தைச் சமர்ப்பித்தல், சேமித்தல், அனுப்புதல், பெறுதல், பகிர்தல் ஆகியவற்றைச் செய்ய Tenor உங்களை அனுமதிக்கிறது. Google சேவை விதிமுறைகளில் விவரிக்கப்பட்டுள்ளபடி உங்கள் உள்ளடக்கத்திற்கான உரிமம் Googleளுக்கு வழங்கப்படும். இதனால், நீங்கள் Tenorரில் பதிவேற்றும் உள்ளடக்கத்தை நாங்கள் பயனர்களுக்குக் காட்டுவதுடன், கேட்கப்படும்போது அவற்றைப் பகிரவும் கூடும். அவர்கள் (Tenor API வழியாக உள்ளடக்கத்தைப் பயன்படுத்துபவர்களும் இதில் அடங்குவர்) அந்த உள்ளடக்கத்தைப் பார்க்கலாம், பகிரலாம், அதில் மாற்றங்களைச் செய்யலாம்.

2. தடைசெய்யப்பட்ட உள்ளடக்கம்.

2.1 தொழில்ரீதியான நோக்கத்திற்காகவோ மூன்றாம் தரப்பினரின் ஆதாயத்திற்காகவோ Tenorரைப் பயன்படுத்தக்கூடாது.

2.2 Google சேவை விதிமுறைகளில் விளக்கப்பட்டுள்ளபடி, அனைவருக்கும் மதிப்பளிக்கப்படுகின்ற ஒரு சூழலைப் பராமரிக்க விரும்புகிறோம். Tenorரைப் பயன்படுத்தும்போது நீங்கள் எங்களது திட்டக் கொள்கைகளைப் பின்பற்றுவதுடன், Google சேவை விதிமுறைகளில் விவரிக்கப்பட்டுள்ள அடிப்படையான நடத்தை விதிகளையும் பின்பற்ற வேண்டும். குறிப்பாக, Tenorரைப் பயன்படுத்தும்போது இவற்றைச் செய்யக்கூடாது:

அ. இவற்றைப் போன்ற உள்ளடக்கத்தைச் சமர்ப்பித்தல், சேமித்தல், அனுப்புதல் மற்றும் பகிர்தல்:

i. பொருந்தக்கூடிய சட்டத்தையோ பிறரின் உரிமைகளையோ மீறும் உள்ளடக்கம் அல்லது அவ்வாறு விதிமீறிச் செயல்படுவதற்கான நடத்தையை ஊக்குவிக்கும் உள்ளடக்கம். வேறொருவரின் அறிவுசார் சொத்துரிமையையோ சுயவிவரங்கள் தொடர்பான உரிமைகளையோ தனியுரிமையையோ எதிர்த்துச் செயல்படுகின்ற, தவறாகப் பயன்படுத்துகின்ற அல்லது மீறுகின்ற உள்ளடக்கமும் இதில் அடங்கும்;

ii. ஒருவரின் முன் அனுமதியின்றி அவருடைய தனிப்பட்ட/தொடர்புத் தகவல்களைக் கொண்டிருக்கும் உள்ளடக்கம்;

iii. சட்டவிரோதமான/தீங்குவிளைவிக்கின்ற செயல்பாடுகளையோ போதைப் பொருட்களையோ விளம்பரப்படுத்தும் உள்ளடக்கம்;

iv. மோசடியான, தவறாக வழிநடத்துகின்ற அல்லது ஏமாற்றுகின்ற உள்ளடக்கம்;

v. தவறான அல்லது அவதூறான உள்ளடக்கம்;

vi. ஆபாசமான அல்லது பாலியல்ரீதியான உள்ளடக்கம்;

vii. பாகுபாடு, மதவெறி, இனவெறி, வெறுப்பு, உபத்திரவம், தீங்குவிளைவித்தல் போன்றவற்றைத் தனிநபர்/குழுவுக்கு எதிராக ஊக்குவிக்கும் உள்ளடக்கம் அல்லது அவற்றை உள்ளடக்கிய உள்ளடக்கம்;

viii. வன்முறையான/அச்சுறுத்தும் உள்ளடக்கம் அல்லது தனிநபர்/குழு/அமைப்புக்கு எதிராக வன்முறையையோ அச்சுறுத்தும் செயல்களையோ ஊக்குவிக்கும் உள்ளடக்கம் அல்லது

ஆ. மின்னஞ்சல், அஞ்சல், ஸ்பேம், தொடர் கடிதங்கள், பிற கோரிக்கைகள் உட்பட தேவையில்லாத/அங்கீகரிக்கப்படாத விளம்பரங்கள், விளம்பரப் பொருட்கள், தகவல்கள் போன்றவற்றை அனுப்புதல்.

Heart Coach Kart Meme

URLலைப் பகிர்

உட்பொதி

விவரங்கள்

தொடர்புடைய GIFகள்