Përditësimi i fundit: 3 mars 2021

Termi "Tenor" përfshin aplikacionin Tenor për celular, sajtin e uebit të Tenor që ndodhet në http://tenor.com, shtesat e Tenor dhe API-në e Tenor. API-ja e Tenor mund të integrohet me shërbime dhe pajisje të palëve të treta, por çdo shërbim në lidhje me Tenor ofrohet nga Google.

Për të përdorur Tenor, duhet të pranosh (1) Kushtet e shërbimit të Google dhe (2) këto "Kushte shtesë të shërbimit të Tenor" ("Kushtet shtesë të Tenor").

Lexo me kujdes secilin prej këtyre dokumenteve. Së bashku, këto dokumente njihen si "Kushtet". Ato përcaktojnë se çfarë mund të presësh nga ne ndërkohë që përdor shërbimet tona dhe se çfarë ne presim nga ti.

Nëse këto "Kushte shtesë të Tenor" janë në konflikt me Kushtet e shërbimit të Google, këto "Kushte shtesë" do të kenë përparësi për Tenor.

Megjithëse nuk është pjesë e këtyre "Kushteve", ne të nxitim të lexosh Politikën tonë të privatësisë për të kuptuar më mirë se si mund të përditësosh, të menaxhosh, të eksportosh dhe të fshish informacionet e tua.

1. Përmbajtjet e tua.

Tenor të lejon që të paraqesësh, të ruash, të dërgosh, të marrësh ose të ndash përmbajtjet e tua. Përmbajtjet e tua i licencohen Google siç përshkruhet në "Kushtet e shërbimit të Google", kështu që nëse ngarkon përmbajtje te Tenor, ne mund t'ua shfaqim ato përmbajtje përdoruesve dhe t'i ndajmë ato kur udhëzohemi për këtë dhe ata përdorues (duke përfshirë përdoruesit që kanë qasje te përmbajtjet nëpërmjet API-së së Tenor) mund t'i shikojnë, t'i ndajnë dhe t'i modifikojnë ato përmbajtje.

2. Përmbajtjet e ndaluara.

2.1 Nuk duhet ta përdorësh Tenor për asnjë qëllim tregtar ose për përfitime të çdo pale të tretë.

2.2 Siç shpjegojmë në "Kushtet e shërbimit të Google", ne dëshirojmë të ruajmë një ambient të respektueshëm për të gjithë. Kur përdor Tenor, duhet të ndjekësh Politikat tona të programit dhe rregullat bazë të sjelljes të përshkruara në "Kushtet e shërbimit të Google". Në veçanti, kur përdor Tenor, nuk duhet që:

a. të paraqesësh, të ruash, të dërgosh ose të ndash çdo përmbajtje që:

i. shkel ose nxit çdo sjellje që do të shkelte ligjin e zbatueshëm ose të drejtat e të tjerëve, duke përfshirë çdo përmbajtje që cenon, keqpërdor ose shkel të drejtat e pronësisë intelektuale të dikujt tjetër ose të drejtat e publicitetit ose privatësisë;

ii. përmban informacione personale ose informacione kontakti për çdo person tjetër pa autorizimin e tij paraprak;

iii. promovon substanca ose aktivitete të jashtëligjshme ose të dëmshme;

iv. është mashtruese ose çorientuese;

v. është e rreme ose shpifëse;

vi. është e turpshme ose pornografike;

vii. promovon ose përbën diskriminim, paragjykim, racizëm, urrejtje, ngacmim ose dëmtim ndaj çdo individi ose grupi;

viii. është e dhunshme ose kërcënuese ose promovon dhunë ose veprime që janë kërcënuese për çdo individ, grup ose organizatë; ose

b. të dërgosh çdo reklamë, material promocional ose komunikim të pakërkuar ose të paautorizuar, duke përfshirë email-e, përmbajtje të bezdisshme, letra zinxhir ose kërkesa të tjera.

No Oh GIF

Ndaj URL-në

Integro

Detaje

GIF-e të ngjashme